我地去台中嘅時候，咁啱經過一個叫草悟道嘅地方，原來呢度每逢週六同週日都會有好多攤位做義賣或狗狗領養，我地就係喺呢度遇到雪梨

我地第一眼見到雪梨就覺得佢好乖，我地同送養人講我地係喺香港嚟，又問佢一啲領養嘅嘢，可能嗰刻佢都覺得我地只係講下，而事實又真係嗰一刻都仲有少少猶豫……

過咗兩個鐘左右我地又再返去，嗰陣啲攤位都收得七七八八，BB狗都走晒，但係雪梨仲喺度，仲可以有機會唔駛同佢隔住圍欄接觸，我梗係摸到夠啦，之後見到有個人想摸佢，佢縮開，即係原來唔係人人都摸得佢㗎

​雖然只係相處咗半個鐘都無，純粹係因為感覺，係感覺令我地決定要帶佢返香港，所以雪梨係正宗台妹，特別特別溫柔，仲超會撒嬌添！

當日我有喺雪梨耳邊細細聲問佢“我帶你返香港好唔好呀？” 佢無出聲即係應承啦！hahaaa

黑柴係我地由寵物店買返黎嘅狗狗，雖然成日都聽人講唔好喺寵物店買狗，買返黎就會病，但當見到黑柴嘅時候，就唔知點解，諗都無諗就買左  

​以前從來無諗過領養呢回事，因為以前好少會接觸關於狗嘅嘢，只係一心想擁有自己嘅狗狗。但自從有左黑柴之後，就會開始睇好多關於狗嘅嘢，開始留意到好多狗仔俾人遺棄，流浪狗點樣俾人毒死，繁殖場嘅狗狗有幾咁慘

所以，當我對狗呢方面多左認識嘅時候，就開始心郁郁，好想去領養，但做呢個決定之前，自己亦考慮過好多野，亦猶豫左好多次，直至雪梨嘅出現！

6488-2646

6488-1349

LIKE US

黑柴屋寵物用品

黑柴屋寵物用品

買滿$200免費送貨